AMUDARYO TUMAN XALQ TALIMI MUASSASALARI FAOLIYATINI METODIK TA'MINLASH VA TASHKIL ETISH BO'LIMINING RASMIY SAYTI

KADRLAR BO‘YICHA INSPEKTOR LAVOZIM MAJBURIYATLARI

ASOSIY LAVOZIM FAOLIYATI BO‘YICHA:  bo‘lim tasarrufidagi o‘quv-tarbiya muassasalarining pedagog kadrlarga bo‘lgan ehtiyojini aniqlash borasidagi ishlarni ta'minlaydi;

 bo‘lim tasarrufidagi boshqaruv lavozimlari ro‘yxatiga olingan rahbar kadrlarni tanlash, o‘rganish, istiqbolli va amaldagi kadrlar zahirasini shakllantirish masalalarini amalga oshiradi;

rahbar kadrlarni tanlash va joy-joyiga qo‘yishga oid ishlarni muvofiqlashtiradi, boshqarma va vazirlikning hisob-nazorat nomenklaturasida bo‘lgan lavozimlarga nomzodlarni kiritish bo‘yicha bo‘lim mudiriga takliflar kiritadi.

ta'lim muassasalarida kadrlar bilan ishlash ahvoli haqida bo‘limning Kengash qarori, buyruqlar, me'yoriy hujjatlar, tahliliy ma'lumotlar, bildirishnomalar tayyorlaydi;

ta'lim muassasalarini pedagog kadrlar bilan  ta'minlash bo‘yicha, xalq ta'limi boshqarmasi bilan hamkorlikda oliy o‘quv yurtlari bitiruvchilarini jalb etish yuzasidagi ishlarni amalga oshiradi;

umumta'lim maktablari pedagog xodimlarining soni va tarkibi bo‘yicha (3-DSH) hisobotlarni yig‘adi, umumlashtiradi va hududiy xalq ta'limi boshqarmasi hamda statistika tashkilotlariga taqdim etadi;

pedagogik kadrlar qo‘nimsizligi bo‘yicha ma'lumotlarni yig‘adi, o‘rganadi va tegishli ma'lumotnomalar tayyorlaydi;

yosh mutaxassislarni kelajakda ish bilan ta'minlash maqsadida, ularni ta'lim muassasalariga yo‘naltirilgan taqsimotiga binoan o‘z ish joylariga qabul qilinishini ta'minlaydi;

O‘zbekiston Respublikasining davlat mukofotlari va vazirlikning tarmoq mukofotlari bilan taqdirlash hujjatlarini tayyorlaydi hamda o‘rnatilgan tartib asosida mahalliy hokimiyat tavsiyasiga ko‘ra hududiy xalq ta'limi boshqarmasiga taqdim etishni ta'minlaydi;.

mukofotlar hisobini olib boradi va mukofotlarni belgilangan tartibda topshirilishini ta'minlaydi;

joylarda mehnat qonunchiligining amalga oshirilishini ta'minlash bo‘yicha ta'lim muassasalari rahbarlari bilan maslahat, o‘quvlar, seminarlar o‘tkazadi;

fuqarolarning arizalari va murojaatlarida ko‘rsatilgan masalalarni hal etish bo‘yicha choralarni amalga oshiradi.

harbiy xizmat yoshidagi xodimlarning o‘rnini band qilish bo‘yicha ishlarning amalga oshirilishini ta'minlaydi; 

bo‘lim nomenklaturasiga kiruvchi hujjatlar yig‘ma jildlarining yuritilishini ta'minlaydi;

xodimlarning shaxsiy tarkibi bo‘yicha buyruqlarini tayyorlaydi va ularning belgilangan tartibda saqlanishiga javobgardir.

 

JAMOATCHILIK FAOLIYATI BO‘YICHA:    o‘ziga biriktirilgan o‘quv-tarbiya muassasalarida Tuman xalq ta'limi muassasalari faoliyatini metodik ta'minlash va tashkil etish bo‘limining turli xil topshiriq va ko‘rsatmalarining so‘zsiz bajarilishini nazorat qiladi.


Sana: 2013-03-17


Daftar hoshiyasidagi bitiklar

Toshni maydalab, qumga aylantirish uchun bir daqiqa kifoya. Ammo qumning toshga aylanishi uchun ming yil kamlik qiladi. Do’stlik ham shunga o’xshaydi.

O'tkir Hoshimov

Savolnoma

Saytda qanday mavzuda ma'lumotlar berilishini istardingiz?